講真，簡單嘢最難做
巴菲特話：「分散投資係無知嘅保護傘，識玩嘅人根本唔需要。」聽落好似好深，其實就係叫你專注啲，唔好亂咁分散資產。就好似上次講過「租息逆行」現象，市場永遠有矛盾同機會，識捉嘅，通常都係對自己投資標的了解得好深嗰啲人。
嗰個5年3球變2億嘅故事，主角其實做咗咩？
- 組合只揀5隻甚至更少股票
- 長期持有，適時炒下波段
懶人玩法都得：有個朋友20萬港紙買美股ETF，十年唔郁，去年已經變咗1000萬，年化回報48%。你話正唔正？
大部分人日日搵方法開門，點知門原來一直開晒——只係你冇行入去。
Jane Street啟示：有料就值錢
最近Jane Street租用恒基地產中環海濱項目超過22萬平方呎辦公室的新聞引起關注，呎租137元，月租高達3,060萬港元，成為中環商業區數十年來最大的單一辦公室租賃交易。
Jane Street是一家全球性的量化交易公司，同時也是ETF的重要造市商和流動性提供者。他們交易各種金融產品，包括ETF、股票、期貨、商品、期權、債券和貨幣，並在45個國家的200多個交易平台上運營。Jane Street以其提供具競爭力定價的能力而聞名，特別是在複雜或難以定價的交易方面。這家量化交易公司2024年創下205億美元淨交易收入的記錄，幾乎是2023年106億美元的兩倍。
朋友說Jane Street在招聘，薪酬待遇非常好。他們要的是量化交易人才，咁當然啦，市場永遠有機會，那些將會獲得聘書的年輕人，即使不加入公司，其實本身也有能力賺到這樣的金額。那麼公司願意支付高薪就很合理了，對吧？
雖然如此，投資者不一定需要複雜的量化模型，上述那兩個朋友都不懂量化交易。對於普通投資人來說，你需要知道的是，ETF實際上都打爆好多基金，買一兩隻ETF，分分鐘好過買一堆「基金名牌」。
專注投資，贏過亂咁分散
我自己實戰都證明，專注組合通常贏過分散組合。點解？
- 迫你研究得深入啲，唔會亂買
- 唔會變成「平庸回報」— 好似各種嘅 long only (傳統長倉基金)，長期跑輸ETF
- 熟悉嘅範疇先容易贏 — 避免咗 FOMO （fear of missing out）。
講返地產，研究又唔難，冇乜深奧模型，冇咩高深概念。所以其實地產好易明，散戶都好有心得，還可以好有信心咁講：「專家食X啦！」…
剛好收到某i-bank的報告，唱好香港地產。
投行報告睇好香港地產
報告話香港樓市可能見底：
- 中原指數滯後於恒生指數，存在追趕空間
- HIBOR降至0.5%的低位，有效按揭利率降至1.84%
- 內地買家持續湧入，4月佔總成交量22%
- 人才計劃帶來人口流入，截至2025年首季已批出約2.7萬個申請
但風險都仲有：
- 供應過剩風險：短期內新房供應量大，競爭激烈
- 政策變化風險：政府房地產政策調整頻繁
- 利率波動風險：受美國利率政策影響，融資成本不穩定
- 經濟環境風險：全球經濟不確定性對香港影響顯著
不過你睇吓，報告話叫買那一兩隻香港地產龍頭股票，其中一隻股價早就由低位18升到現在的27有多，兩個月升咗成五成有多。係正常情況，股價行先過分析報告，等到報告出，升幅都畀人食得七七八八。
有人會問，咁如果股價領先，股價反彈，是不是預示可以去買樓？買樓大概係8倍槓桿，仲要綁死你二十幾年。在方方面面嘅 price converge 洪流之下，加上AI的應用，香港好多工種，未來都唔容易，將來點保證供得起？
買樓收租？借錢 2% 以下，淨收租回報，大概3%。咁，係好過做定期。你肯定樓價升，咁OK。我點睇？而家我係無 view。個人來講，我反而寧願搵啲自己舒服啲嘅投資選擇，例如MBS，流動性高啲，風險分散啲，瞓得都安樂啲啦。
MBS：更靈活的選擇
相比直接買樓，住宅按揭抵押證券（MBS）提供更多靈活性：
- 流動性更佳：比實體物業更容易買賣
- 分散風險：唔會將所有資本鎖死喺一層樓
- 專業管理：有專業機構幫你管理組合
MBS嘅風險包括信用風險、利率風險和提前還款風險，但點都好過沒有抵押品嘅普通債券，相對買樓收租來講，風險分散得多。個別租客唔生性，都可以令業主有重大損失。
預測的局限性
即使最專業的投行報告，對市場影響力都愈來愈細。原因包括：
- 市場效率提升：資訊傳播快，價格調整快
- 參與者多元化：唔再係少數機構話事
- 情緒因素：短期市場波動多數由情緒主導
另外就是錯得多。類似的報告，我慣常都會Google過去的往績，預測錯誤的百份比，其實係高得嚇人。
5年3球變2億的啟示
不是什麼高深的東西，而係：
- 真正知道自己買咩
- 專注自己能力圈
- 避免過度分散
- 保持長線視角（不用FOMO）
門一直敞開著
投資成功的秘密其實好簡單：專注你真正理解的範疇，唔好為分散而分散。股神講得啱，分散投資係對無知的保護，如果你知道自己做緊咩，專注投資反而更好。而家樓市咁多未知數，MBS反而係更靈活、更高回報的選擇，值得認真看看。
專欄作家: Tony Fung (tony.fung@sparccapital.com)
證監會持牌資產管理公司 Sparc Capital 的投資總監，擁有超過22年買方投資經驗。入行初期曾任金融及地產分析員，長期專注於股票和債券投資；近年則更關注讓人安心的投資策略及利率走勢。口頭禪是：「你真係知道自己買乜嘢？」
免責聲明（Disclaimer）
Sparc Capital（以下簡稱「本公司」）所提供的資料僅供參考之用，並不構成任何投資建議、邀約或要約。資料來源被視為可靠，但本公司不保證其準確性、完整性或時效性。投資涉及風險，過往表現並不代表未來結果。
投資者應根據自身情況，謹慎評估相關風險，並在作出任何投資決定前，諮詢獨立專業意見。本公司及其董事、僱員或代理人對因使用本資料而直接或間接引致的任何損失或損害概不負責。
本公司為香港證券及期貨事務監察委員會（SFC）持牌公司，牌照號碼為 BPB919。
