「胡‧說樓市」收到「朗屏8號」觀眾查詢，詹Sir驗樓小隊立即出動！可惜未入到單位已經遇到阻滯，升降機門怎樣關也關不上!!
電梯門故障 令人膽戰心驚
升降機門關不上，背後跟路軌故障有關，還令成個升降機都震動，拍攝隊伍「個心都離一離」，雖然問題與單位無關，但印象分都大打折扣。
大廳窗台啞色需要更換
殺入單位，大廳都出現唔少新樓通病，包括地板鬆脫、鋪磚不平等，但發展商對交樓質素重唔重視，有細節上都可以見到。大廳窗台啞色需要更換之餘，詹Sir更發現雲石面上打了個大交叉，明顯判頭交樓前已經發現問題，但發展商一於懶理。
露台鋪磚手工馬虎
走出露台，鋪磚手工馬虎，一高一低有礙觀瞻。 另一邊工作平台又點呢？手工同樣粗疏，通風百葉一個有「唧」膠，另一個就漏「唧」，詹Sir指打風時，雨水有機會透過百葉安裝縫隙走入睡房。
水喉手工粗糙
原來瓷磚都出問題，主要係工人燒焊時不慎將火屎彈到瓷磚，詹Sir指污跡不能清理，需要更換。另外，玻璃門都出現漏風問題，發展商需要調整門絞堵塞漏洞。
洗手間及開放式廚房除水喉手工粗糙，及櫃門安裝不平外，都無出現大問題，單位最終得分74分，屬屋苑平均水平。嘉華國際回應指，已收到單位業主遞交之「項目跟進表」，有關執修工程已進行中，服務處將盡快完成相關工程。
| 驗樓得分 | |
| 屋苑 | 元朗朗屏8號 |
| 發展商 | 嘉華國際、信和置業、港鐵公司 |
| 單位 | 3座中層F室 |
| 面積 | 372呎 |
| 總得分 | 74分 |
