立刻訂閱我們的YouTube頻道，觀看最新影片分析!
英國樓宇大多數歷史悠久，天氣長年潮濕多雨，導致漏水問題相當普遍。無論係新建樓宇定舊式建築，漏水都係業主經常面對嘅煩惱之一。以下將分析幾種英國常見嘅漏水情況、成因、以及建議嘅檢查與維修方法，幫助業主及租戶及早發現並處理問題。
英國生活指南： 【BNO移民】移民英國FAQ！申請程序、資格、費用一文睇晒！ 【英國買樓按揭】香港銀行申請攻略！息率、壓測、陷阱全面睇 【英國買樓2025】一二手樓置業程序、陷阱、放租、雜費懶人包！ 【移民英國】50萬鎊以下物業免收印花稅！五大注意事項你要知！ 【英國買樓教學】倫敦樓價走勢、發展區域懶人包 【英國升學移民】教你分英國學校種類！怎樣辨別學校好與壞？ 【英國升學準備】詳列報讀中小學手續！分析大學熱門科目重要日期！ 【英國升學】子女升學前五大準備！幫仔女搵樓有咩要注意？
一、屋頂漏水
英國的傳統斜屋頂多以瓦片或頁岩鋪設，經年累月容易因天氣、風力或鳥獸活動導致瓦片鬆脫或破裂。一旦出現裂縫，雨水就會滲入閣樓或樓上天花板，形成水漬，甚至導致木材腐爛或發霉。
常見症狀：天花板出現水印、滴水聲、閣樓木料潮濕、有霉味。
建議處理方法：定期檢查屋頂瓦片狀況，如發現有移位或破損應及時更換。安裝滴水槽（drip edge）或加強屋頂防水層亦有幫助。
二、外牆滲水
英國傳統紅磚屋經長期雨水沖刷會導致砂漿剝落或牆身吸水，特別係冇做 cavity wall 嘅舊樓更加容易出現內牆潮濕。雨水亦有機會經窗邊、通風口、或裂縫位置滲入。
常見症狀：內牆出現潮漬、水痕、牆紙起泡或脫落。
建議處理方法：檢查外牆有冇裂縫或砂漿老化，必要時進行補縫或重做 pointing。使用防水塗料處理牆面亦有幫助，但要避免令牆體無法「透氣」。
三、窗框與門框漏水
雙層玻璃窗（double glazing）若密封膠老化或排水孔阻塞，會令雨水積聚後滲入室內。舊式木窗如無定期保養，更容易因木料腐爛而導致漏水。
常見症狀：窗邊牆身出現潮痕、窗框附近有積水或霉菌。
建議處理方法：檢查並更換老化密封膠，保持排水孔通暢。如窗戶年久失修，建議更換為節能新窗或進行翻新。
四、浴室及廚房水管滲漏
英國常見嘅漏水仲包括喉管或水龍頭接駁位鬆脫、水喉老化、浴缸封邊脫落等問題，尤其係樓上單位一旦漏水，更容易波及樓下住戶，引起糾紛。
常見症狀：櫃內底部潮濕、有異味、樓下天花有水漬。
建議處理方法：定期檢查所有可見喉管接頭位置，留意是否有滴水或結露現象。浴缸或洗手盆邊緣要定期補膠封邊，防止水滲入牆內。
五、地下室或地面滲水
不少英國樓宇設有地下室（basement）或地面層偏低，一旦排水系統設計不當或地勢低窪，雨水積聚就會造成室內滲水，甚至長期濕氣困擾。
常見症狀：地下室牆身潮濕、地板積水、物品發霉。
建議處理方法：考慮安裝防潮層（Damp Proof Course, DPC）或抽濕設備，如情況嚴重可考慮做 basement tanking 或安裝地下排水泵。
英國住宅嘅漏水問題雖然常見，但只要定期檢查、及早發現及維修，絕大多數都可以有效控制。建議業主在購買或租賃物業前，聘請專業人士進行房屋檢查、可大大減低後續維修風險及開支。如發現懷疑漏水情況，應盡快處理，切勿拖延，否則日後維修成本更高，甚至影響房屋結構安全。
專欄作者：英國Building Surveyor阿文 (英國皇家測量師學會會員、建築工程師、RICS註冊物業估值測量師)
