在英國的房地產市場，一項名為”現有用途或發展的合法性證書”（Certificate of Lawfulness for an Existing Use or Development，簡稱CLEUD）的法規正逐漸成為業主和買家之間不可或缺的一環。這一證書的角色不僅僅體現在解決房屋擴建的合法性問題上，更是整個交易過程中的保護神。
本文目錄
英國生活指南： 【BNO移民】移民英國FAQ！申請程序、資格、費用一文睇晒！ 【英國買樓按揭】香港銀行申請攻略！息率、壓測、陷阱全面睇 【英國買樓2021】一二手樓置業程序、陷阱、放租、雜費懶人包！ 【移民英國】50萬鎊以下物業免收印花稅！五大注意事項你要知！ 【英國買樓教學】倫敦樓價走勢、發展區域懶人包 【英國升學移民】教你分英國學校種類！怎樣辨別學校好與壞？ 【英國升學準備】詳列報讀中小學手續！分析大學熱門科目重要日期！ 【英國升學】子女升學前五大準備！幫仔女搵樓有咩要注意？
無CLEUD: 隨時交易告吹、保險不賠!
例如你想買一個有Extension嘅物業，但上手業主無法攞出planning permission，假設擴建已超過4年，而Council一直以來都無提出過異議，你就有資格申請「CLEUD」。但如果你認為已超過4年執法期，有冇「CLEUD」都無所謂，就大錯特錯啦！
1) 將來出售物業時，買家嘅Surveyor或律師可能會要求提供證據，證明所有建築工程都合法，無「CLEUD」隨時被「壓價」甚至賣唔成。
2) 向銀行申請按揭，銀行或其他貸款機構可能要求提供CLEUD作為該加建合法嘅證據。
3) 保險拒賠償，如果擴建出現問題或者受損，而你冇合法性證書，後果可想而知。
住宅申請CLEUD教學
其實申請「CLEUD」嘅手續並唔係十分繁複，只需提供證據證明擴建已存在超過4年，而且無受到規劃當局嘅執法行動。
申請CLEUD所須展示證據
- 時間序列嘅相片。如Google Map
- 顯示使用加建部分嘅水電煤氣單。
- 你、鄰居或前業主嘅聲明或證詞。
- 任何其他相關文件。
申請CLEUD程序
到當地counil 嘅網站或辦公室填「CLEUD」申請表，連同
- 位置圖及其他相關圖畫。
- 支持嘅證據。
- 付申請費。
遞交申請後，Council或可能會要求提供額外資料，至於審批時間就各有長短，若果成功獲批，記得好好保管呢份證書。
「CLEUD」正成為英國房地產市場中的一位不可或缺的保護神，其實際效應不僅體現在交易的順利進行，更為業主和買家提供了一份法律的安心。
專欄作者：英國Building Surveyor阿文 (英國皇家測量師學會會員、建築工程師、RICS註冊物業估值測量師)
