詹Sir

臨近年尾，愈來愈多新盤交樓，其中之一係會德豐位於藍田嘅KOKO Hills，之前一度要延期交樓，導致唔少業主不滿，今日終於交樓了，究竟交樓質素係點? 好可惜，俾詹Sir發現浴缸交樓即塞渠。

早年因為政府曾經推出限量地，納米樓就成為副產物，青衣「薈藍」就係其中之一，單幢物業絕大多數單位都屬於約200呎嘅納米樓。雖然驗收分數有9字頭，但洗手間卻細得好難轉身......

紅磡馬頭圍道「曼翹」終於入伙，賣樓時相繼有銀行拒批樓盤的樓花按揭，引起準買家擔心。事過境遷，今日終於收樓，業主是否能鬆一口氣? 入屋看看便知道。

雖然二手樓係現樓，但同新樓唔同，既無樓書列明所有交樓細項，預約睇樓可能只得5分鐘時間，當然你都唔好預期業主會將單位所有缺點和盤托出，所以呢黃金5分鐘就好重要，得咁少時間，我哋點知個單位係咪爛樓? 我地有請詹Sir同大家一齊踩場教睇樓!

作為市區重建重心，深水埗海壇街的新盤陸續交樓，當地的面貌將會大變天，今次我們率先驗樓的是中小型發展商德祥地產發展的「海珀」，不過驗樓成績未如理想，只有58分，廚廁仲發現漏水情況! 最弔詭的是，項目樓下竟然有好多髮廊，點解呢區咁多理髮需要？

由實德環球相關人士持有的大角咀「尚璽」開始收樓。這個樓盤最經典一役，莫過於2018年時香港受超級颱風「山竹」正面吹襲，天秤倒塌並壓倒在毗鄰唐樓，結果拖延了起樓進度。最終物業在2020年尾收樓，究竟質素有沒有受天秤倒塌影響? 我們會進入單位實地考察。

油塘最近有新盤推售，一度成為市場關注點，原來附近都有新盤陸續落成入伙，當中包括宏安地產發展的「曦臺」，這個屋苑只有兩座，亦非戶戶有海景，我們一於到其天台特色單位驗個究竟！詹Sir還發現，天台常見的「馬騮頭」有可能成為播毒陷阱，除此之外，單位的露台設計亦耐人尋味，隨時有出無入！

中信泰富在香港已多年沒有物業落成，近年除了發展加多利山的「Kadooria」外，還有馬鞍山烏溪沙的「峻源」，剛巧有業主表示購入了該樓盤，我們決定前往參觀及去看看交樓質素。物業位於「落禾沙里」，定位上走高檔豪宅路線，提供三、四房單位為主。究竟交樓成績跟豪宅定位是否匹配呢?

內房近年不斷進軍香港，但大部分交樓質素都麻麻地，今次我哋去到烏溪沙嘅新盤「泓碧」，就係內房碧桂園首個香港交樓嘅項目，無論電器同傢俬嘅五金配件都用到名牌，係咪就代表好？非也，原來成個渠口都係垃圾，仲有單位設計真係令人搲晒頭，冷氣機壓縮機仲要放正喺平台花園，想喺平台燒烤真係要諗過先！

大埔白石角作為新盤供應重鎮之一，多個項目都已交樓，其中位置近海、由鷹君發展的「朗濤」則最近交樓。項目由名牌發展商「金門建築」負責，但收樓結果卻令人失望，詹Sir更大彈外牆骯髒，而且睡房是喇叭形開則，考起戶主擺放傢俬！